بسم الله الرحمن الرحيم
درسنا اليوم: شرح عمل سوفت وير لجميع اجهزة سامسونج اندرويد
كلمتي قبل البدا في اي شي
متخافش من ايه حاجه جرب واغلط واتعلم وانشالله لو تباعت التعليمات هتعمل سوفت وير لاي موبايل سامسونج دون الوقوع في ايه مشكلة باذن الله من غير بوكس وذلك لا يعني عن ان البوكس مش
بنستخدمه ولكن ليه مميزات تانيه غير السوفت وهي:
1-فك شفرات "لو موبايل مغلق علي شبكة في الخارج"
2-اصلاح السيريال
3-اصلاح الشبكة
4-لا غني عنها في تنزل سوفت وير للاجهزه 2G
5-فك ايميل سامسونج وغيرها
انا عن نفسي بعمل سوفت بالادوين رغم عندي بوكس Z3X لسرعته وسهولته وهو ده شرح موضوعنا النهارده:
نبدا بشرح الدرس تفصليا
السوفتات السامسونج لاندرويد نوعين نوع ملف واحد ونوع 4 ملفات
النوع الاول : ملف واحد وده زي تحديث للجهاز مبيمسحش اي حاجه من علي الموبايل والافضل بعد التنزل انك تعمل هارد ريست بعده"لعمل هارد ريست لمعظم اجهزه سامسونج من هنا"
النوع التاني : 4 ملفات ودي بيفرمة الجهاز وبيمسح كل شي من علي الجهاز ومش متوفر لكل الاجهزه وده بنحتاجه لمشاكل كتير في اجهزة سامسونج ومنها المشكلة الشائعةوهي التوقف علي شعار سامسونج
ملحوظات هامة قبل البداء
1- اخذ نسخة احتياطية من جميع بيانات موبايل الصور.الرسائل.الاسماء.الفيديوهات...الخ في حالة اذا كان الموبايل شغال شرح احذ نسخة احتياطية لهواتف سامسونج اندرويد من هنا
2-اخذ نسخة احتياطيه من الروم ليه هخد نسخة من الروم عشان لو لقدر الله حصل مشكلة تقدر ترجع الموبايل شرح اخذ نسخة احتياطية لهواتف سامسونج اندرويد من هنـا
3- يفضل شحن الموبايل 30% عشان في موبايلات بتخد وقت علي السوفت
4- يفضل تنزل السوفت من علي حاسب محمول عشان الكهربه ممكن تعمله
5-رقم موديل الموبايل تاكد منه وده بتعرفه من تحت البطاريه او من وضع الدونلود مود او من دخل الموبايل من حول الجهاز بتفرق في رقم خد بالك يعني الجراند مثلا (GT-I9060,GT-I9060i,GT-I9060M)
6- نزل سوفت اخر اصدار اواعلي اصدار موجود ويكون رسمي
الادوات المطلوبة للعمل
1-طبعا الموبايل الا هنعمل ليه السوفت وير عندك
2-السوفت وير الروم لو ملف واحد حمل من الموقع ده موثق منه سامسوني
لو روم 4 ملفات انشاءالله هتلقي هنا تيتانك فون
لو مش موجود راسلني من هنا
3-وصلة يو اس بي الافضل تكون اصليةعندك
5- تعريفات سامسونج او برنامج kies واحد فقط يتم تثبتها علي الحاسب عشان الموبايل يتعرف علي الحاسب تقدر تحمل من هنا kiesاو هناUSB_Driver
التطبيق
-اول حاجه هتسال نفسك هتعمل سوفت للموبايل عشان ايه عشان تحدد السوفت الا هتستخدمه ملف واحد او 4 ملفات
-لو الموبايل في مشكلة متوقف علي شعار سامسونج او رسالة توقف المتجر او بيهنج اوتقيل في الاستخدم اوعليه فيرس وبعض مشاكل الشبكة توكل علي الله وحمل سوفت 4 ملفات
-لو الموبايل بتعمله تحديث فقط او نقص ملفات الروم او تعريب فقط او مشكلة الكبيورد توكل علي الله وحمل سوفت ملف واحد
بعد تحميل الملفات المطلوبة هنطبق الان
1- يتم وضع الملفات علي سطح المكتب برنامج الادوين+الروم+العريفات" لعدم حدوث اي مشكلة
2- هنثبت التعريفات اولا او برنامج kies الافضل انك ثتبت برنامج kies
عشان تخد بيه نسخة احتياطة لملفاتك
3- هنفتح برنامج الادوين ونضيف ملفات
-لو الروم ملف واحد هتفك الضغط الاول لو الملف مضغوط بعد كده تفتح البرنامج
في خانة AP او PDA حسب الاصدار هتضيف الملف مثل الصورة التاليه
-لو الروم 4 ملفات هتفك الضغط لو الملف مضغوط بعد كده تفتح البرنامج
وهضيف الملفات كالتالي :
-- في الخانة التي تحتوي علي كلمة(pit) نضع الملف الذي فيها كلمة(pit)او(CSB)من الافضل متستخدم الملف دهالا للضرورة
-- في الخانة التي تحتوي علي كلمة (Bootloader)أو(BL)نضع الملف الذي يحتوي علي كلمة(Bootloader)أو(BL)"
--في الخانة التي تحتوي علي كلمة((PDA)أو(AP)نضع الملف الذي يحتوي علي (CODE)أو(PDA)أو(AP)الملف ده الاساسي الاهو السيستم
--في الخانة التي تحتوي علي كلمة(PHONE)أو(CP)نضع فيه الملف الذي يحتوي علي كلمة(MODEM)أو(PHONE)أو(CP) الملف ده خاص بالشبكة
--في الخانة التي تحتوي علي كلمة(CSC) نضع فيه الملف الذي يحتوي علي كلمة(CSC)الملف ده خاص باللغة.
5- بعد كده توصل اليو اس بي بالحاسب والموبايل وتضغط علي زر رفع الصوت الموبايل هيبدا يتعرف علي الموبايل وهيظهر رقم البورت في البرنامج "مش هيحصل كده اذا لم يتم تثبت برنامج kies او تعريفات سامسونج علي الحاسب
6- بعد كده روح لبرنامج الادوين واضغط علي start هيبدا تنزل السوفت وير انتظر حين يتم الانتهاء
7- بعد انتهاء الموبايل من تنزل السوفت هيفصل وهيشتغل لوحده وهيجي عند شعار سامسونج وهيوقف شويه انتظر قليلا وهيفتح لا تقلت..
8- انزع الوصله وتباع التعليمات لتشغيل الموبايل والف مبروك
ده شرح فيديو مقدم من قناتي علي اليوتيوب تيتانك فون
1-شرح عمل سوفت وير كامل من 4 ملفات لموبايل Samsung Galaxy S Duos 2 GT-S7582
2-حل مشكلة توقف موبايل Samsung Galaxy GT-S5360 youngعلي شعار سامسونج بروم 4 ملفات
3-حل مشكلة توقف موبايل Samsung Galaxy Ace GT-S5830Iعلي شعار سامسونج بروم 4 ملفات
انشالله هيتم وضع فيديوهات اخر لعمل سوفت ملف واحد او 4 ملفات
كان معكم: محمد مجاهد
"لاي استفسار سيب تعليق اسفل الموضوع وهرد عليك"
ليست هناك تعليقات:
إرسال تعليق